Dhoka

Dear Client,

Yes, aapki madad kanooni roop se ho sakti hai. Agar aapki zameen aapki marzi aur aapke signature ke bina, ya fake signature karke bech di gayi hai, to us sale ko Court me challenge kiya ja sakta hai. Sabse pehle Sale Deed (Registry) ki copy nikalwa kar usme kiye gaye signatures aur documents ki jaanch karni hogi. Agar signatures aapke nahi hain, to forensic handwriting examination ki maang ki ja sakti hai.

Iske baad Civil Court me Sale Deed ko cancel karwane aur zameen par apna haq wapas dilane ke liye case file kiya ja sakta hai. Agar isme dhokha, jhoothe documents ya fraud hua hai, to zimmedar vyaktiyon ke khilaaf police complaint ya FIR bhi darj karayi ja sakti hai. Kyunki aap ek senior citizen hain, kanoon aapke adhikaron ki bhi suraksha karta hai. Sahi kanooni salah dene ke liye yeh jaanna zaroori hoga ki zameen kiske naam par thi, sale kab hui thi aur kya aap kabhi Registry Office jaakar sign karne gayi thi.